Stórskáldið

  • Nýja sviðið
  • Frumsýnt 18. október 2019

Heimildarmyndagerðarkonan Rakel er stödd í niðurníddum iðnaðarbæ, djúpt í Amazon-frumskóginum, ásamt Andra, tökumanni sínum og elskhuga. Þau eru að gera heimildarmynd um föður Rakelar sérvitra Nóbelskáldið Benedikt, sem er dauðvona.

Stórskáldið

„Sönn saga? Hvað er það? Sannleikurinn er róf!“

Heimildamyndagerðarkonan Rakel er stödd í niðurníddum iðnaðarbæ, djúpt í Amazon-frumskóginum, ásamt Andra, tökumanni sínum og elskhuga. Þau eru að gera heimildamynd um föður Rakelar, sérvitra Nóbelskáldið Benedikt, sem er dauðvona. En feðginin hafa ekki hist í áratugi og geta ómögulega komið sér saman um hvernig Benedikt á að birtast í heimildamyndinni. Óuppgerð fjölskyldumál og framandi hitasótt blandast sjálfu höfundarverki Benedikts í draumkenndri og ærslafullri atburðarás þar sem áreiðanleiki heimsins fellur í sundur.

Verkið er spennandi könnunarleiðangur um hinar mörgu hliðar sannleikans og þrá mannsins eftir því að skilja eitthvað eftir sig. Er hægt að gera hlutlausa heimildamynd? Er hægt að vita og miðla sannleikanum? Hvað þá sannleikanum um sjálfan sig?

Björn Leó Brynjarsson er einn af mest spennandi höfundum ungu kynslóðarinnar. Hann var leikskáld Borgarleikhússins leikárið 2017/18 og Stórskáldið er afrakstur vinnu hans. 

Leikarar

  • /media/leikarar/img_0081bw.jpgHilmar Guðjónsson
  • /media/leikarar/img_9562abw.jpgJóhann Sigurðarson
  • /media/leikarar/img_9706bw.jpgUnnur Ösp Stefánsdóttir

Listrænir stjórnendur

  • Höfundur

    Björn Leó Brynjarsson

  • Leikstjórn

    Pétur Ármannsson

  • Leikmynd & búningar

    Ilmur Stefánsdóttir

  • Lýsing & myndband

    Pálmi Jónsson

  • Leikgervi

    Margrét Benediktsdóttir

  • Hljóð

    Þórður Gunnar Þorvaldsson


Matthildur

Matthildur er nýr söngleikur sem byggir á hinni rómuðu skáldsögu Roalds Dahl. Litla stúlkan Matthildur er óvenjulega gáfuð, tilfinninganæm og bókelsk og líklega þess vegna með sérlega ríkt ímyndunarafl.

Nánar

Er ég mamma mín?

Einn daginn neitar húsmóðirin að leika hlutverk sitt og hættir að sinna heimilinu. Hún fer í verkfall, leggur niður störf og leirtauið safnast upp. Hvernig tekst heimilisfólki að aðlagast breyttum hlutverkum kynjanna og nýjum valdahlutföllum? 

Nánar