Að tjaldabaki

Að tjaldabaki er ný röð viðburða hjá Borgarleikhúsinu í vetur þar sem leikstjórar sýninga ásamt listrænum stjórnendum taka á móti leikhúsgestum með kynningu áður en sýning hefst. Kynningin fer fram á veitingasvæði Borgarleikhússins og hefst um einni og hálfri klukkustund fyrir sýningu. Leikhúsgestum býðst að kaupa léttan kvöldverð.

Að lokinni sýningu gefst leikhúsgestum kostur á að taka þátt í umræðum með leikstjóra og völdum gestum í afslöppuðu umhverfi á veitingasvæði leikhússins.

Á þessum viðburði fá gestir einstaka innsýn í sköpunarferli sýningarinnar; allt frá hugmyndavinnu, framkvæmd og að sviðssetningu.

Að tjaldabaki fer fram á völdum dagsetningum sem verða kynntar á næstu vikum.