Brúð­kaup Fígarós sett upp

Kammeróperan, í samstarfi við Borgarleikhúsið, setur upp hina sívinsælu gamanóperu Brúðkaup Fígarós eftir Mozart í nýrri og ferskri þýðingu Bjarna Thors Kristinssonar. 

Í útgáfu Kammeróperunnar eru greifinn og greifynjan ungt athafnafólk sem hefur byggt upp farsæla vínræktarstarfsemi í Mosfellsbæ, en óréttlætið kraumar undir yfirborðinu.

Áhorfendur verða dregnir inn í heim óperunnar strax við komuna í leikhúsið þar sem þeim gefst kostur á að taka þátt í vínsmökkun á vegum greifans áður en sýningin hefst.

Verkið, sem er styrkt af Sviðslistasjóði, býður upp á einstaka upplifun fyrir alla óperuunnendur.