Ekki Hug­mynd plat­an er kom­in á Spotify!

Lögin úr sýningunni Ekki Hugmynd eru loksins komin á Spotify! EP-platan inniheldur vinsælustu lögin úr sýningunni sem hefur slegið í gegn á Litla sviði Borgarleikhússins.

Sérstaka athygli hefur vakið lagið „Veldu Nám“, þar sem Vigdís Hafliða fer á kostum og rekur hið stórkostlega úrval sem stendur til boða fyrir þá sem eru óákveðnir í vali á háskólanámi.

Ekki Hugmynd er bráðfyndið gamanleikrit þar sem mannabörnin Arnór, Óli og Vigdís standa öll á tímamótum lífsins, algjörlega týnd og með ekkert plan. Með gríni, mis-heimspekilegum kenningum, söng og öllum tiltækum leikhústrixum leggja þau af stað í leit að svörum við stóru spurningum lífsins og reyna um leið að færa íslensku þjóðinni endanlegt svar við ráðgátunni:

Og hvert er svarið?

Eeeeeekki huuuuuuugmynd.

EP-plötuna má nú hlusta á í spilaranum hér fyrir neðan á Spotify.