Eva Sig­ný og Aníta til starfa hjá Borgar­leik­húsinu

Borgarleikhúsið hefur ráðið Evu Signýju Berger í stöðu yfirhönnuðar hússins og Anítu Ólafsdóttur sem viðburðastjóra.

Aníta hóf störf fyrr á leikárinu og hefur jafnframt yfirumsjón með rekstri veitingadeildar Borgarleikhússins. Hún starfaði áður hjá Hilton Reykjavík Nordica sem ráðstefnu- og viðburðastjóri. Áður starfaði Aníta hjá viðburðafyrirtækinu Practical auk annarra fjölbreyttra starfa innan íslenskrar ferðaþjónustu.

Markmið ráðningar viðburðastjóra er meðal annars að leggja aukna áherslu á fjölbreytt ráðstefnu- og viðburðahald í leikhúsinu auk þess að efla þjónustustig við leikhúsgesti.

Sem yfirhönnuður Borgarleikhússins mun Eva Signý Berger hafa yfirumsjón með útliti leikhússins og verður tengiliður við leikmynda- og búningahöfunda í leiksýningum Leikfélags Reykjavíkur. Samhliða því mun hún einnig sjá um hönnun leikmynda í tveimur verkefnum á ári.

Eva hefur hannað yfir fimmtíu sýningar fyrir leikhús, dans, brúðuleikhús og óperu. Hún hefur hlotið fjölda tilnefninga til Grímunnar, íslensku sviðslistarverðlaunanna, fyrir störf sín. Eva hefur jafnframt komið að myndlistar- og kvikmyndaverkefnum og sat í stjórn FÍL árin 2018 til 2026. Þá hefur hún verið formaður Félags leikmynda- og búningahöfunda frá árinu 2021.