Fía­sól gefst aldrei upp - sýn­ing­ar hefjast aft­ur

Hin vinsæla fjölskyldusýning Fíasól gefst aldrei upp, sem gekk fyrir fullu húsi á síðasta leikári, snýr aftur á svið 8. september. Sýningin hlaut fjórar tilnefningar til Grímunnar og fern verðlaun á Sögum, verðlaunahátíð barnanna, þar á meðal fyrir Barnasýningu ársins.

Fíasól, skemmtilega og hugmyndaríka stelpuskottið úr verkum Kristínar Helgu Gunnarsdóttur, heldur áfram að gleðja unga jafnt sem aldna í þessari nýju leikgerð.

Aðdáendur geta nú líka notið allrar frumsömdu tónlistarinnar, sem hinn góðkunni Bragi Valdimar Skúlason samdi sérstaklega fyrir sýninguna. Öll lögin eru komin á Spotify, svo nú er hægt að syngja með og rifja upp ævintýri Fíasólar hvenær sem er.