Leik­hús­kaffi fyr­ir Nifl­unga­hring­inn í dag

Í dag kl. 17:30 er Leikhúskaffi fyrir sýninguna Niflungahringurinn allur, á Borgarbókasafninu í Kringlunni. Þar mun Ágústa Skúladóttir, leikstjóri verksins, og Hjörleifur Hjartarson höfundur og leikari segja frá sýningunni. Í kjölfarið verður farið samferða yfir á Nýja svið Borgarleikhússins þar sem leikmyndin verður skoðuð og boðið upp á umræður og spurningar fyrir áhugasama. Verið velkomin!

Leiksýningin Niflungahringurinn allur verður frumsýndur á Nýja sviði Borgarleikhússins þann 24. október næstkomandi. Hundur í Óskilum tekst á hendur að færa Íslendingum í fyrsta sinn allan Niflungahring Richards Wagners – eins og hann leggur sig.

Leikhúskaffið er skemmtilegur viðburður fyrir öll sem hafa áhuga á leikhúsi og hefst á Borgarbókasafninu Kringlunni þar sem Ágústa Skúladóttir leikstjóri og Hjörleifur Hjartarson höfundur og leikari segja frá sýningunni. Í kjölfarið verður farið samferða yfir á Nýja svið Borgarleikhússins þar sem leikmyndin verður skoðuð og boðið upp á umræður og spurningar fyrir áhugasama. Gestum leikhúskaffis býðst 10% afsláttur af miðaverði á sýninguna. Hjólastólaaðgengi er á viðburðinum. Öll eru hjartanlega velkomin!

Hér er hægt að lesa um sýninguna.