Sara Martí Guð­munds­dótt­ir fast­ráð­in leik­stjóri og list­rænn ráðu­naut­ur

Sara Martí Guðmundsdóttir hefur hafið störf sem fastráðinn leikstjóri og listrænn ráðunautur hjá Borgarleikhúsinu. Í starfi sínu mun Sara fylgja eftir leiksýningum hússins sem aðstoðarleikstjóri og/eða listrænn ráðunautur. Jafnframt situr hún í verkefnavalsnefnd sem leggur listræna stefnu leikhússins og fylgir eftir framleiðslu leiksýninga. Sara mun þar að auki leikstýra einni leiksýningu á hverju leikári.

Sara hóf feril sinn í tónlist áður en hún sneri sér að leiklist. Hún stundaði leikaranám við Listaháskóla Íslands og steig sín fyrstu skref á stóra sviði Borgarleikhússins í uppfærslunni Fólkið í blokkinni.

Sara lærði leikstjórn við The Royal Central School of Speech and Drama í London og er með meistaragráðu í menningarstjórnun. Hún hefur margra ára reynslu sem sjálfstætt starfandi leikstjóri og hefur unnið að fjölbreyttum verkefnum á sviði sviðslista.

Árið 2022 tók Sara við starfi leikhússtjóra Tjarnarbíós, þar sem hún lagði áherslu á metnaðarfulla dagskrá, nýsköpun og að skapa vettvang fyrir ólíkar raddir innan sviðslistanna.