Sig­urð­ur Karls­son leik­ari er átt­ræð­ur í dag

Sigurður nam leiklist í leiklistarskóla Leikfélags Reykjavíkur og útskrifaðist þaðan 1965 og starfaði mestan sinn leikaraferil hjá LR. Sem nemendi í leiklistarskóla félagsins kom hann fram í sýningum á borð við Almansor konungsson og Sú gamla kemur í heimsókn, en fyrsta hlutverk hans hjá Leikfélaginu eftir útskrift var Longintes í barnaleikritinu Grámann í desember 1965. Sigurður lék hátt í hundrað hlutverk hjá Leikfélagi Reykjavíkur á ferlinum og var fastráðinn leikari við LR nær samfellt frá árinu 1974. Meðal hlutverk hans má nefna Sigga í Saumastofu Kjartans Ragnarssonar (1975), Karl Sigurkarlsson í Æskuvinum Svövu Jakobsdóttur (1976), Gunnar í Degi vonar eftir Birgi Sigurðsson (1987), Höfuðsmanninn í Föðurnum eftir Strindberg (1987) og Kládíus í Hamlet (1988). Síðasta hlutverk Sigurðar hjá LR var Dvoétotsje í Sumargestum Maxím Gorkí árið 2002.

Sigurður hefur gegnt ýmsum trúnaðarstörfum á sviði leiklistar og var m.a. formaður stjórnar Leikfélags Reykjavíkur 1986-1992, á þeim tíma sem Leikfélagið flutti úr Iðnó í Borgarleikhúsið, og aftur 1996-1998. Að loknum 40 ára ferli sem leikari lagði Sigurður stund á nám í finnsku og hefur á undanförnum árum þýtt fjölda skáldsagna úr finnsku auk leikritanna Finnski hesturinn eftir Sirkku Peltola og Hreinsun eftir Sofi Oksanen, sem bæði voru sýnd í Þjóðleikhúsinu.

Leikfélag Reykjavíkur óskar Sigurði innilega til hamingju með stórafmælið!