Gaza einræðurnar í Borgarleikhúsinu
Borgarleikhúsið svarar ákalli Ashtar leikhússins í Palestínu sem óskar eftir þátttöku frá leikhúsum um allan heim. Ákallið er að 29.nóvember, á Alþjóðlegum degi samstöðu með Palestínsku þjóðinni, verði hinar svokölluðu Gaza einræður lesnar í sem flestum leikhúsum út um allan heim.
Gaza einræðurnar eru reynslusögur skrifaðar af ungmennum sem tóku þátt í leiklistarstarfi í ASHTAR leikhúsinu árið 2010, stuttu eftir fyrsta stríðið á Gaza ströndinni. Því miður eiga einræðurnar enn við í dag en þær leggja áherslu á hryllinginn, vonir og seiglu Gazabúa og gefa bæði börnum og fullorðnum rödd.
Viðburðinum verður streymt í beinni á Visir.is
Aðgangur er ókeypis en hvatt er til frjálsra framlaga í áfallahjálp ASHTAR leikhússins sem veitir sálfræðiaðstoð fyrir börn, ungmenni og fullorðna. Verkefnið er unnið í samvinnu við palenstínska sálfræðinga og notar leikhúsið sem miðil í áfallahjálp sem fer fram í skólum og félagsmiðstöðvum fyrir ungmenni.
https://www.globalgiving.org/projects/traumareleasepalestine/