Hallgrímur Helgason er kunnur sögumaður og hefur haldið gríðarlega vinsæl námskeið þar sem hann opnar bækur sínar um fólkið á Segulfirði upp á gátt fyrir lesendum sínum. Nú býður hann gestum til sætis á Litla sviði Borgarleikhússins þar sem hann mun rekja frásögnina í gegnum skáldsögurnar Sextíu kíló af sólskini, Sextíu kíló af kjaftshöggum og þriðju bókinni Sextíu kíló af sunnudögum sem kemur út nú í haust.