Opið fyrir umsóknir um samstarf 2024/2025
Borgarleikhúsið óskar eftir umsóknum um samstarf leikárið 2024/2025. Á hverju leikári býður Borgarleikhúsið sjálfstæða leikhópa velkomna til samstarfs. Verkefni sjálfstæðu leikhópanna eru valin af leikhússtjóra og verkefnavalsnefnd leikhússins og í kjölfarið kynnt hússtjórn Borgarleikhússins og stjórn Sjálfstæðu leikhúsanna (SL).
Samkvæmt samkomulagi Leikfélags Reykjavíkur og Reykjavíkurborgar skal Leikfélag Reykjavíkur tryggja hið minnsta tveimur leikflokkum afnot af húsnæði í Borgarleikhúsinu til æfinga og sýninga eins verkefnis á hverju ári. Leikflokkarnir skulu hafa endurgjaldslaus afnot af húsnæði en greiða útlagðan kostnað LR vegna vinnu þeirra í Borgarleikhúsinu.
Með umsóknum skal fylgja:
• Lýsing á verkefni
• Listi yfir aðstandendur: framkvæmdaaðilar, listrænir stjórnendur og aðrir þátttakendur
• Ítarleg fjárhagsáætlun
• Styrkir/loforð um styrki
Umsóknarfrestur er til miðnættis fimmtudaginn 15. febrúar og umsóknir skal senda á samstarf@borgarleikhus.is