Árin

Sumar sýningar snerta okkur vegna þess að þær segja sögu sem við þekkjum – jafnvel áður en við höfum heyrt hana. Árin er slík sýning. Byggð á rómaðri skáldsögu Nóbelsverðlaunahafans Annie Ernaux, verkið leiðir okkur í gegnum minningar, ástir, missi, fjölskyldulíf, samfélagsbreytingar og allt það sem mótar manneskjuna á heilli mannsævi.

Fimm leikkonur – Berglind Alda, Katla Margrét, Sigrún Edda, Sólveig Arnars og Þórunn Arna – túlka sömu manneskjuna á ólíkum skeiðum lífsins, með ólíkar raddir og reynslu og skapa sviðsverk sem er í senn persónulegt, kunnuglegt og hjartnæmt. Árin er sýning um lífið sem líður hjá í hinu stóra jafnt sem smáa, um augnablikin sem við reynum að halda í og sögurnar sem búa áfram í okkur.

Árin er ein áhrifamesta leikhúsupplifun vetrarins.