Sex Ed

Sex Ed er fullorðinssirkus og kynfræðslukarnival þar sem íslenska kabarettsenan mætir óbeisluðum brúðusirkus Visceral Abstractions frá New York. Hópurinn lýsir sér sem absúrdísku sirkus- og brúðuleikhúskollektívi sem hefur frá 2017 blandað saman brúðum, líkama, loftfimleikum, húmor og súrrealískri sviðslist. Í þessari sýningu er mannslíkaminn, löngunin og samskiptin tekin í sundur og sett saman aftur með ódýrum bröndurum, spennu fjölleikahússins og óvæntri blíðu.

Sex Ed hefur verið þróuð í nokkrum útgáfum í New York og meðal annars sýnd á House of Yes og The Slipper Room. Nú fær sýningin íslenskan líkama, íslenska rödd og nýtt samhengi á litla sviðinu, þar sem lofthæðin er nýtt til hins ítrasta. Útkoman er fræðsla sem gleymir aldrei að skemmta – skökk, líkamleg, forvitin og ófeimin.

Vinsamlega athugið að sýningin hentar ekki börnum og ekki þeim sem óttast undur mannslíkamans. Upplýsingar um viðkvæmt innihald og áreiti má finna hér.