Halldór Gylfason útskrifaðist frá Leiklistarskóla Íslands árið 1997. Hann hóf störf við Borgarleikhúsið ári síðar og hefur leikið þar allar götur síðan. Meðal eftirminnilegra verka sem Halldór hefur leikið í má nefna Mary Poppins, Mamma Mia og Guð blessi Ísland. Halldór hefur sömuleiðis komið víða við í sjónvarpi og kvikmyndum og er þá ótalinn ferill hans í tónlist en hann er liðsmaður hljómasveitarinnar Geirfuglarnir.