Að tjalda­baki - ný við­burðaröð í vet­ur

Að tjaldabaki er ný röð viðburða hjá Borgarleikhúsinu í vetur þar sem leikstjórar sýninga ásamt listrænum stjórnendum taka á móti leikhúsgestum með kynningu áður en sýning hefst. Leikhúsgestum sýninga á þeim dagsetningum sem viðburður fer fram er frjálst að mæta. Kynningin fer fram á veitingasvæði Borgarleikhússins og hefst um einni og hálfri klukkustund fyrir sýningu. Leikhúsgestum býðst að kaupa léttan kvöldverð.

Að lokinni sýningu gefst gestum kostur á að taka þátt í umræðum með leikstjóra og völdum gestum í afslöppuðu umhverfi á veitingasvæði leikhússins.

Á þessum viðburðum fá gestir einstaka innsýn í sköpunarferli sýningarinnar; allt frá hugmyndavinnu, framkvæmd og að sviðssetningu.

Fyrsti viðburðurinn fer fram fyrir sýningu á Svikasögum, sunnudaginn 4. október.

Næstu dagsetningar verða kynntar fljótlega.

Að tjaldabaki: Svikasögur

Dagskrá sunnudaginn 4. október

18:30-19:15
Velkomin „Að tjaldabaki"
María Reyndal handritshöfundur og leikstjóri tekur á móti gestum á veitingasvæði ásamt Evu Signý Berger leikmynda- og búningahönnuði.
Í upphafi gefst gestum kostur á að kaupa sér léttan kvöldverð til að njóta á meðan kynningu stendur (æskilegt að panta fyrirfram).
Á þessum viðburði fá gestir einstaka innsýn í sköpunarferli sýningarinnar; allt frá hugmyndavinnu, framkvæmd og að sviðssetningu.

Sýningin hefst klukkan 20:00 og er gert ráð fyrir því að kynning fyrir sýningu standi frá 18:30-19:15. Við biðlum til leikhúsgesta að mæta tímanlega á viðburðinn.

22:30-23:00
Spurningar og spjall
Að lokinni sýningu gefst gestum kostur á að taka þátt í umræðum með Maríu og Evu og völdum gestum í afslöppuðu umhverfi á veitingasvæði leikhússins.

Skoða/kaupa miða á Svikasögur