Verk eft­ir Annie Ernaux sett upp í fyrsta sinn á Ís­landi

Árin, eftir Nóbelsverðlaunahöfundinn Annie Ernaux, verða frumsýnd á Nýja sviði Borgarleikhússins á komandi leikári. Una Þorleifsdóttir mun leikstýra þessari sviðsuppfærslu af stórvirki Ernaux.

Árin, sem kom út árið 2008, er meðal þekktustu verka Annie Ernaux og hefur vakið athygli fyrir sérstaka nálgun höfundar á minningar, sjálfsmynd og samfélagsbreytingar. Ernaux hlaut Nóbelsverðlaunin í bókmenntum árið 2022.

Leikkonurnar Þórunn Arna Kristjánsdóttir, Katla Margrét Þorgeirsdóttir, Sólveig Arnarsdóttir, Berglind Alda Ástþórsdóttir og Sigrún Edda Björnsdóttir fara með hlutverk og túlka ólíkar raddir og tímabil í lífi sömu persónu. Leikmynd og búninga hannar myndlistarkonan Elín Hansdóttir.

Hér er hægt að lesa meira um sýninguna.