Skilmálar vegna miðakaupa

ALMENNT UM AÐGÖNGUMIÐA OG SÝNINGAR

• Til að tryggja það að öll geti notið leiksýningarinnar er mælst til þess að gestir sýni öðrum gestum, sem og starfsfólki, almenna virðingu í orðum og gjörðum. Borgarleikhúsið áskilur sér rétt til að vísa fólki frá sem sýnir af sér ósæmilega eða ógnandi hegðun.
  
• Miðasala Borgarleikhússins ábyrgist ekki sms og tölvupóst áminningar um sýningar. Það er á ábyrgð eiganda aðgöngumiða að halda utan um sýningardag og tíma. Við hvetjum miðhafa til að ganga úr skugga um að tenglaupplýsingar þeirra séu rétt skráðar hjá miðasölu, ef upplýsingar eru ekki réttar getum við ekki ábyrgst að skilaboð tengd sýningum komist til miðahafa.
• Greiða þarf fyrir aðgöngumiða fyrir öll börn á sýningar og ekki er leyfilegt að sitja undir barni. 
• Miði telst notaður hafi ekki verið afpantað þremur sólarhringum (72 tímum) fyrir sýningu. Breytingagjald fyrir hvern miða er 500 kr. 
• Notkun farsíma og myndavéla eru óheimilar á meðan á sýningu stendur.
• Ekki er hleypt inn í sal eftir að sýning er hafin.
  
  

ALMENNT UM ÁSKRIFTARKORT

• Ekki er hægt að breyta miðum á áskriftarkortum ef minna en þrír sólarhringar (72 tímar) eru í sýningu. Leikhúskortagestir hafa möguleika á að breyta hverri sýningu einu sinni án endurgjalds. Handhafar Lúxuskorta geta breytt hverri sýningu tvisvar sinnum án endurgjalds. Eftir það er breytingagjald fyrir hvern miða 500 kr. 

• Í áskriftarkortum er ekki hægt að breyta um valin leikverk.
• Vinsamlega athugið að þegar áskriftakort eru keypt að hausti eru sýningardagar áætlaðir, þeir geta breyst þegar nær dregur. Kortagestir eru því hvattir til að fylgjast með sýningum á vefnum borgarleikhus.is. Þar má finna réttar dagsetningar út frá sýningarnúmeri. 
  
  

SENDINGARGJALD

• Sendingargjald er 250 kr. fyrir heimsend gjafakort og áskriftarkort.
  
  

ALMENNT UM GJAFAKORT

• Almenn gjafakort Borgarleikhússins renna út fjórum árum eftir útgáfudag sem skráður er á kortið. Ef um er að ræða gjafakort sem hefur ekki útgáfudag þá samsvarar inneign kortsins miðaverði þegar kortið var keypt. Ef miðaverð hefur hækkað milli leikára, eða gjafakort notað á sýningu með hækkuðu miðaverði, eins og söngleiki, þarf að greiða mismuninn.
  
• Ekki er hægt að greiða fyrir gjafakort með öðrum gjafakortum.
  
• Ef gjafakort hafa annan gildistíma en almenn gjafakort er það tekið fram sérstaklega.
• Týnt gjafakort er tapað fé.
  
  

ENDURGREIÐSLUR

• Ef viðburður fellur niður, þá er eigendum miða boðnir sambærilegir miðar á næstu dagsetningu eða full endurgreiðsla á miða.
• Ef tímasetningu viðburðar er breytt, þá færast miðarnir sjálfkrafa á nýja tímasetningu og miðahafa send tilkynning í tölvupósti. Ef ný tímasetning hentar ekki á kaupandi rétt á endurgreiðslu, en Borgarleikhúsið getur í tilkynningu um breytingu sett ákveðin tímamörk sem viðskiptavinir hafa til að falla frá kaupunum.
• Þegar þú hefur keypt miða eða gjafakort hjá Miðasölu, í persónu, í gegnum vefinn eða síma, hefur þú 14 daga frá kaupum til þess að falla frá þeim og óska eftir endurgreiðslu á kaupunum. Þetta á hins vegar ekki við um beiðnir sem berast þegar minna en 14 dagar eru í viðburð, ef um aðgöngumiða er að ræða.
• Eftir að miði, gjafakort eða áskriftarkort hefur verið sent í pósti til eiganda þá er póstburðargjald í engum tilfellum endurgreitt.
• Að öðru leyti bendum við á skilmála tix.is.