Borgarleikhúsið

Dagdraumar

  • Nýja sviðið
  • 40 mín.
  • Verð: 3.300 kr.
  • Frumsýning 15. maí 2021
  • Væntanleg

Ung stúlka leggur land undir fót og ferðast um undur veraldar, um skóg og yfir sjó, finnur dýr og ævintýr. 

Dagdraumar

Dansverk fyrir börn

Ung stúlka leggur land undir fót og ferðast um undur veraldar, um skóg og yfir sjó, finnur dýr og ævintýr. Dýrin eru undursamleg og töfrandi. Slangan snýst og sniglast og svanurinn virðist þekja himininn með vænghaf sitt. Bara ef stúlkan gæti búið yfir slíkum kyngikrafti, liðug, snörp og létt á tá, svífandi um loftin blá. Skyndilega rennur upp töfrastund og draumar hennar rætast, stúlkan tekur á sig nýja mynd. Hún umbreytist á einhvern magnaðan hátt. En hún sá ekki fyrir hvað það myndi kosta hana, hvað það kostar að njóta eiginleika dýranna. Þegar ferðalagi stúlkunnar lýkur og hún snýr aftur heim bíður móðir hennar í gættinni. Hún opnar faðminn en hikar, því hún þekkir ekki dóttur sína aftur, hún hefur breyst svo mikið. Stúlkan áttar sig á því hversu dýrmætt er að vera eins og maður er. Hún sleppir snarlega takinu af nýju eiginleikunum sínum og velur að vera hún sjálf. Það er líka sérstakt því það er enginn annar sem getur það. Það er undursamlegt og töfrandi, vel geymt leyndarmál sem deila má með smárri sál.

Að lokinni sýningu verða kenndar danshreyfingar fyrir þá sem vilja.

Hreyfingarnar í verkinu voru unnar í samstarfi við dansarana og Þyri Huld Árnadóttur sem einnig aðstoðaði við búningagerð.

Listrænir stjórnendur

  • Hugmynd & danshöfundur

    Inga Maren Rúnarsdóttir
  • Sviðsmynd & búningar

    Júlíanna Lára Steingrímsdóttir
  • Dansarar

    Stúlka: Charmene Pang
    Móðir & svanur: Halla Þórðardóttir
    Slanga, héri & könguló: Ásgeir Helgi Magnússon
  • Myndahöfundur: Sýningaskrá, sviðsmynd & veggspjald

    Auður Þórhallsdóttir
  • Búningagerð

    Alexía Rós Gylfadóttir
  • Lýsing

    Pálmi Jónsson
  • Hljóð

    Baldvin Þór Magnússon
  • Ljósmyndir

    Saga Sigurðardóttir