Fúsi: Aldur og fyrri störf
- Litla sviðið
- U.þ.b. 2 klst með hléi
- Verð: 5900
- Sýningar hefjast 26. október
Fúsi: Aldur og fyrri störf
Falleg og hjartnæm sýning um merkilegt lífshlaup
Fúsi, aldur og fyrri störf, er heimildaleiksýning um Sigfús Sveinbjörn Svanbergsson. Í sýningunni fer Fúsi yfir ævi sína og valin atriði úr fjölbreyttu lífi hans eru færð í leik- og söngbúning með aðstoð leikara og söngvara. Fúsi er húmoristi, fótboltaáhugamaður, leikari, söngvari og lífskúnstner sem minnir okkur á að lífið er alltaf þess virði að lifa því þó stundum sverfi að. Hindranirnar í lífi Fúsa hafa eflt hann og hvatt til að lifa lífinu til hins ýtrasta með fötlun sinni og njóta hvers einasta dags. Stundum er lífsreynsla þó þess eðlis að aldrei verður fyllilega hægt að komast yfir hana, sama hversu jákvæður og sterkur einstaklingur er.
Sýningin byggir á viðtölum við Fúsa, sem Agnar Jón frændi hans og leikstjóri sýningarinnar tók við hann meðan á covid faraldrinum stóð. Tilurð sýningarinnar er því samband frændanna Fúsa og Agnars og samverustundir þeirra.Sýningin var tilnefnd til fjölda Grímuverðlauna árið 2024, þar á meðal sem sýning ársins og hlaut verðlaunin fyrir leikstjórn og Sprota ársins. Þá fékk Fúsi Múrbrjótinn, verðlaun Þroskahjálpar, fyrir að brjóta niður veggi í þágu þroskahamlaðra.
Í samstarfi við sviðslista-framleiðandann Monochrome og List án landamæra
Leikarar
- Agnar Jón Egilsson
- Þórunn Arna Kristjánsdóttir
- Sigfús Sveinbjörn Svanbergsson
- Vala Kristín Eiríksdóttir
Listrænir stjórnendur
Höfundar
Agnar Jón Egilsson og Sigfús Sveinbjörn Svanbergsson
Leikstjórn
Agnar Jón EgilssonLeikmynd og búningar
Svanhvít Thea ÁrnadóttirAðstoðarleikstjóri
Ástbjörg Rut JónsdóttirTónlist
Egill AndrasonLýsing
Gunnar Hildimar HalldórssonAðstoð við söng
Gísli MagnaGrafísk hönnun
Ragnar VisageTæknikeyrsla
Snorri Beck MagnússonSviðsstjóri
Þórey Selma SverrisdóttirFramleiðandi
Monochrome ehf