Borgarleikhúsið

Hringrás

  • Litla sviðið
  • 50 mín, ekki hlé
  • Verð: 4900
  • Frumsýning 3. febrúar 2023

Hringrás er nýtt verk eftir Þyri Huld Árnadóttur. Verkið er unnið í samstarfi við Íslenska dansflokkinn, Urði Hákonardóttur tónskáld og Júlíönnu Láru Steingrímsdóttur búninga- og leikmyndahönnuð.

Hringrás

Íslenski dansflokkurinn

Hringrás er nýtt verk eftir Þyri Huld Árnadóttur. Verkið er unnið í samstarfi við Íslenska dansflokkinn, Urði Hákonardóttur tónskáld, Júlíönnu Láru Steingrímsdóttur búninga- og leikmyndahönnuð og Sögu Sigurðardóttur ljósmyndara sem sér um myndbandsinnsetningu í sviðsmynd.

Hringrás er dansverk til heiðurs kvenlíkamans.
Verkið samtvinnar myndlist, tónlist og dans sem mynda heildræna hringrás.

Öll erum við í sömu hringrásinni, plöntur, dýr og við mannfólkið.
Fræ og vatn verða að blómi.
Egg og sæði að manneskju.
Konan gengur með barnið, kemur því í heiminn og nærir.
Líkaminn umturnast sem er fæstum konum auðvelt.

Við þurfum að elska líkamann okkar, sama hvort hann sé feitur, mjór, langur, lítill, slitinn eða sléttur.

Við lifum öll í hringrás.

Þyri Huld Árnadóttir hlaut Grímuverðlaunin sem dansari ársins árið 2015 og 2018 fyrir hlutverk sín í verkunum Sin og Hin lánsömu. Hún hóf feril sinn hjá Íslenska dansflokknum árið 2010 og hefur tekið þátt í fjölbreyttum verkefnum sem dansari og danshöfundur síðan. Þyri hefur samið þrjú verk um ofurhetjurnar Óð og Flexu í samstarfi við Hannes Þór Egilsson 2014-2018 sem hlutu tilnefningar fyrir flokkunum barnasýning ársins og danshöfundur ársins.

Verkið er styrkt af Sviðslistarráði og var valið samstarfsverkefni Íslenska dansflokksins veturinn 2022 – 2023.