Sigrún Edda Björnsdóttir útskrifaðist frá Leiklistarskóla Íslands árið 1981 og hefur leikið yfir hundrað hlutverk á leiksviðum landsins. Hún hefur lengst af starfað fyrir LR og meðal nýlegra verkefna í Borgarleikhúsinu má nefna Emil í Kattholti, Á eigin Vegum og Fíasól gefst aldrei upp. Sigrún hefur leikið mikið í sjónvarpi og kvikmyndum en einnig getið sér gott orð sem leikstjóri, rithöfundur og handritshöfundur. Hún hefur hlotið ótal verðlaun og viðurkenningar fyrir störf sín, nú síðast var hún sæmd Riddarakrossi hinnar íslensku Fálkaorðu fyrir framlag sitt til leiklistar árið 2021.