Sigurður Þór Óskarsson útskrifaðist frá leikaradeild LHÍ árið 2012. Frá útskrift hefur hann leikið bæði hjá Þjóðleikhúsinu og Borgarleikhúsinu og af nýlegum verkefnum hans þar má nefna Emil í Kattholti, Macbeth og Deleríum búbónis. Sigurður hefur einnig leikið töluvert í sjónvarpi og kvikmyndum og talsett fjöldamargar vinsælustu teiknimyndir síðustu ára. Hann hefur þrisvar sinnum verið tilnefndur til Grímuverðlaunanna.