Kæra Jelena á Leikhúskaffi í dag
Leikritið Kæra Jelena verður til umfjöllunar á Leikhúskaffi í Borgarbókasafninu í Kringlunni í dag, fimmtudaginn 28. mars kl. 17:30. Leikritið verður frumsýnt á Litla sviði Borgarleikhússins föstudaginn 12. apríl.
Unnur Ösp Stefánsdóttir, leikstjóri sýningarinnar, mun segja gestum frá uppsetningunni á Kæru Jelenu. Í kjölfarið verður rölt yfir í Borgarleikhúsið þar sem gestir fá stutta kynningu á leikmynd og annarri umgjörð sýningarinnar. Í lokin býðst gestum 10% afsláttur á miðum á Kæru Jelenu.
Allir velkomnir á meðan húsrúm leyfir.