Leikskólasýning ársins
Rúmlega 1600 börn komu í heimsókn í Borgarleikhúsið nú á dögunum en leikhúsið býður elsta árgangi barna í leikskólum Reykjavíkur að kynnast töfrum leikhússins.
Börnunum er boðið á sýningu sem er sérstaklega samin fyrir þau undir yfirskriftinni Leikskólasýning ársins. Leikstjóri sýningarinnar er Þórunn Arna Kristjánsdóttir og leikarar eru Rakel Björk Björnsdóttir og Rakel Ýr Stefánsdóttir. Mikil eftirvænting er í loftinu að fá loksins að taka á móti þessum mikilvæga hópi leikhúsgesta.
Ljósmynd: Sigrtryggur Ari Jóhannsson