Þétting hryggðar - sögur úr Reykjavík

„Það hjólar enginn svona vegalengd í norðanátt og skafrenningi nema hann sé geðbilaður.“

Á aðalskrifstofu Reykjavíkurborgar eru fjórar manneskjur læstar inni í herbergi af öryggistástæðum. Þau eru eins ólík og hægt er, en öll Reykvíkingar í húð og hár. Þjökuð af innilokunarkennd, meðvirkni og öðrum meinum sem ásækja nútímamanninn deila þau um þéttingarstefnu meirihlutans, Borgarlínu, umferðina, lokun Laugavegarins og lífið í mismunandi hverfum Reykjavíkur. Þau eru tilbúin að ræða allt, nema sannleikann um hvaða erindi rak þau á skrifstofur borgarinnar.

Stórskemmtilegt og flugbeitt nýtt verk um fólk í Reykjavík samtímans eftir Halldór Laxness Halldórsson, í samvinnu við Unu Þorleifsdóttur.